Delhi hmaah Supergiants an lian

Ningani zan Indian Premier League inkhelah Rising Pune Supergiants chuan wicket sarihin Delhi Daredevils an hneh a, mualneitu Delhi an hawihai hle.

Feroz Shah Kotla, Delhi-a inkhelah hian bat hmasa zawk Delhi-in over 20 chhungin run 162 an siam a, mi pasarih an hloh. Delhi batsman zingah che ṭha tia sawi tur an awm lo a, run 34 siamtu JP Duminy chu run siam hnem ber niin an che chhe hle.

Pune-in over 19.1-ah an target um-phain mi pathum chiah an hloh a, run 63 siamtu Ajinkya Rahane chu Supergiants tan chhandamtu a ni.

Vawiin IPL-ah inkhel pahnih a awm dawn a, tlai dar 4:00-a Royal Chal-lengers Bangalore leh Rising Pune Super-giants an inhmachhawn zawhah zan dar 8:00 hian Kings XI Punjab leh Delhi Daredevils an inhmachhawn ve leh ang.