Pro Volleyball TNT lakah Hunthar chak nghal

Zothan Auto Works Pro Volleyball chu Ni-ngani zan khan khelh ṭan a ni a, match hmasa berah Hunthar Volleyball Club chuan TNT lakah straight set-in hnehna an chang.

Dengṭhuama Indoor Stadium, Mualpuia in-khelah Hunthar tan cap-tain H. Lalhruaitlunga chuan point 11 vaw chhuak--in a thawhhlawk hle a, Biakmuana leh Rem-sangzuala chet ṭhat zan a nih bawk avangin awlsam takin 25-21, 25-21, 25-15 in hnehna an chang a ni.

Zanin dar 8:00 hian a hmun ngaiah inkhel pakhat a awm leh dawn a, Chanmari West Sporting Club leh Anastasia Vol-leyball Club te an in-hmachhawn ve leh ang.

Anastasia hi nikuma din chauh ni mah se Mi-zo-ram Volleyball Association buatsaih second division inelnaah an champion fai vek nghal a, playoff aṭangin Pro Volleyball khel tur hian an inhlangkai. West Bengal Player Laskar Uddin leh Shiva Singh an kawl mek.

Hetihlai hian Chan-mari West lam an nep bik lo, MVA Super League leh Mizoram Sports Festival champion pawh lo ni tawh hi first divison club ni reng ṭhin mah se nikum khan second deivision-ah an tlahniam. Mahse, Pro Volleyball League playoff-ah erawh hneh loh nei loin an tlang thung. Anni pawh hian state pawn aṭangin Mrinmay Talukdar, Julius Ali leh Cha Chauba te an chah lut ve bawk.