Vaibelchhe 11 chawi tur FC Goa

Season hmasa Indian Super League final-a lungawi loh-na avanga in-khelh zawha lawm-man semna hun pawh hmang duh lo FC Goa chu ISL regulatory commission chuan an chet dan mawi lo tak avanga vai-belchhe 11 chawi turin a hrem a, season thar ISL-ah point 15 paih sa chungin an khel dawn bawk.

Hei mai a la ni lo cheu, FC Goa neitu zinga pa-hnih Shrinivas Dempo leh Dattaraj Salgaocar-te chu hun rei tak chhung ISL kaihhnawiha inhnamhnawih thei lo tura hrem an ni bawk a, Salgaocar hi kum thum chhung hrem niin Shrinivas hi kum hnih hrem a ni thung.

ISL regulatory com-mission-a member high court justice chawl tawh pahnih DA Mehta leh BN Mehta, Mumbai DGP hlui D Sivanandan, India cricketer hlui Kiran More leh sports law expert Vi-dhush--pat Singhania-te chuan thuchhuah siamin FC Goa chu ISL zah lo taka an khawsak avanga hremna na tak pek an nih thu an sawi.

Goan club sum chawi tur vaibelchhe 10 hi ISL buaipuitu Reliance Industries Ltd hnuaia Football Sports Development Ltd (FSDL) hnenah pek tur a ni ang a, vaibelchhe khat hi final-a FC Goa-in an hneh loh tak Chennaiyin FC hnenah pek tur a ni thung ang.

March thla khan AIFF Disciplinary Committee chuan FC Goa hi an chet dan mawi lo tak avangin nuai 50 chawi turin an lo hrem tawh bawk a, Goan club dinhmun chhiat vanglai tak a ni.