NBA Conference Semifinals Miami lakah Raptors chak

Toronto Raptors chuan nimin zing khan Miami Heat lakah 96-92 a hnehna changin NBA Eastern Conference semifinals series-ah 1-1 chiah an ni ta. Inkhelh hmabak panga la awmin Pathianni zingah Game 3 an khelh leh ang.

Raptors hi Game 1-ah 102-96 in an lo chak lo tawh a, Air Canada Centre, Toronto-a mipui 20,906 pung khawm hmaa inkhelah erawh a bul ṭan ṭha zawkah ṭangin quarter hmasa berah 29-19 in hma an hruai hman. Mahse, Heat lamin thapui thawh let ve lehin quarter lina an khelh zawha team pahnih point hmuh chu 86 ve ve a ni a, overtime khelh chhunzawm a ngai.

Overtime-ah Raptors hian point 10 hmuh belhin Miami hian point ruk chauh an hmuh belh thung. Raptors tan shooting guard DeMar DeRozan chuan point 20 scor-in Jonas Valanciunas-a'n rebound vawi 12 a la thung a, hnehna an chan theih nana mi pawimawh an ni.