Hmangaihna leh thlawpna

An chak lo a, rilru na leh hrehawm ti takin Arsenal player-te an awm. Hetih lai hian coach Mikel Arteta chuan a naute hi eng ang dinhmunah pawh ding se la tawp chin nei loa a thlawp tlat tur thu a sawi.

Arteta chuan, "Kei leh coaching staff-te chuan player-te kan hlat dawn lo, hun hrehawmah pawh pumkhat takin kan awm zel ang. Nitin mai hian tuna ka naute ho ka enkawl thei hi ka lawm veng veng ṭhin zawk.

"Kum sarih hnuah UCL kan khel leh chauh a ni a, a bikin quarterfinal phei chu kum 14 hnua kan khelh lehna hmasa a ni hial. Tun hnaiah nasa takin hma kan sawn a, season khat chhung leka kan danglam dan pawh hi hmuh hmaih chi a ni lo ang.

"Club hlawhtling tak tak dangte pawh hi en ila, dinhmun ṭha tak luah tur chuan hun hi an mamawh rei ve tho. Tunah kan tum ram thleng nghal lo mah ila, kan thlen chin hian team ṭha lehzual zawkah min siam ngei ang," a ti.