Real khingpui tur Bayern

UEFA Champions League semifinal-ah Real Madrid-in German club lian Bayern Munich an hmachhawn dawn a, team ṭha pahnih hi Europe inelna sangah hian vawi 26 zet an inhmachhawn tawh.

Carlo Ancelotti kaihhruai Real hi La Liga nomawi chawi mai tura ngaih an ni a, Bayern erawhin UCL nomawi an chawi lo a nih chuan an 'nil' dawn. Thomas Tuchel atan Los Blancos hneh hi a pawimawh a, nomawi lian tham la chawi ngai lo Harry Kane-a tan a pawimawh lehzual.

Team pahnih inkhelh hnuhnun ber chu 2017-18 season semifinal kha a ni a, Real Madrid-in hnehna changin a vawi 13 (La Decimotercera) nan an champion zui bawk.

Semifinal pakhat zawkah PSG leh Borussia Dortmund an inhmachhawn dawn a, first leg hi April 30, Thawhlehni emaw May 1, Nilaini emawa khelh tur niin second leg hi May 7-8, 2024-a khelh tur a ni thung. Final hi Wembley Stadium-ah June 1, Inrinniah khelh a ni ang.