Suangtuahna ram a thleng dik - Nacho

Real Madrid captain Nacho chuan penalty vawi linaah petin ṭha takin a pet lut a, Spanish defender chuan team anga an khelh ṭhat thu a sawi tel bawk.

Kum 34 mi Nacho chuan, "Inkhel tam zawkah chuan a chungnung zawk kan ni ṭhin. Keini laka chungnung team tum chu a hahthlak a, chutihrualin Real Madrid kan nih miau avangin a tawp thlengin kan bei ṭhin. Goal kan venghim ṭha a, tlarhnung lam kan che ṭha a ni," tiin a sawi.

An chak dan chungchang sawi zuiin Nacho chuan, "Hetiang hun hi zan danglam bik a ni a, naupan lai aṭanga kan suangtuah ṭhin a thlengah ka ngai. Hmul thi pawh a ding sur sur thei a ni," a ti a, El Clasico atana an inpuachah chhunzawm nghal tur thu a sawi bawk.