Taekwondo black belt exam bei

Taekwondo Federation of India huaihawtin MATA Hall, Republic Vengthlangah April 17, Nilaini khan taekwondo black belt examination neih a ni. Taekwondo test hautak subject 8 chu mi 44 ten ṭha takin an paltlang thei a ni.

Exam hi Taekwondo Federation of India mi ruat - master VL Sawma leh master Joseph Thansanga, 5th dan black belt ten an endik a ni.

Taekwondo black belt exam beitute hian kar khat chuang advance course an zir hnuah exam hi bei an ni a. Personal interview, hriselna leh theihna (physical fitness), mahni invent dan (self-defence), thiamna bik endik (basic technique), brick sah bun (brick breaking), thiam dan (poomsae), sparring (fighting skill) leh thiamna bik (advance kicking) te hmangin an exam a ni.

Exam beitute hi black belt 1st degree 34 niin, 2nd degree pali, 3rd degree exam beitu mi paruk an awm bawk. Exam zinga mi 17 te chu hmeichhia an niin a naupang ber chu Mary Rolawmsangi Royte, Chite Veng niin kum 10 mi a ni.

Exam result hi TFI chuan World Taekwondo Headquarters, Kukkiwon, Seoul, South Korea-ah thawnin a pass zawngte tan World Taekwondo chuan black belt degree certificate a rawn pe ang.