NBA playoff khel tur 76ers

Philadelphia 76ers chu NBA playoff khel turin an tling ve leh ta. Nimin zing play-in inkhelah Philadelphia 76ers hian Miami Heat chu 105-104 in an hneh a, a thiam zual pariat inelna hmachhawn tur in ticket an nei ta chiah.

Philadelphia 76ers hi a tir lamah chuan an khel ṭha lo zawk, chawlhlawk lai chuan Heat lamin 51-39 ngawtin hma an hruai fal - 76ers ṭantute chuan anmahni player ngei pawh an auel hman hial a ni.

Mahse, hun pawimawh laiah Joel Embiid-a inlarin point 23 a neih bakah rebound vawi 15 a la a, point 20 neitu Nicolas Batum khel ṭha ve leh chiahin a tawpah hnehna hlado an chham ta zawk.

Eastern conference aṭangin Philadelphia 76ers hi seeded pasarihna an ni dawn, playoff-ah chuan New York Knicks an hmachhawn leh ang.

Miami Heat beiseina a la thamral vek bik lo. Inrinni zingah Heat hian Chicago Bulls an hmachhawn dawn, a chak zawkin playoff hmunruak pakhat an luahkhat chiah dawn a ni.