CYMA Cricket-ah team tel ṭhahnem

CYMA Cricket Tournament entry fee pek hun chu nizan khan a tawp a, hriat theih chinah branch 47-in entry fee hi an pe. Central YMA leh Cricket Association of Mizoram (CAM) buatsaih inelna hi April 24, Nilaini aṭanga ṭan tur a ni.

Vuak Hawn leh fixture tlangzarh hi April 22, Thawhṭanni zan dar 8:00-ah Bawngkawn South YMA Hall, Auditorium-ah neih a ni dawn. Branch pakhat aṭangin team pakhat zel a tel theih a, team khatah hian player 20 leh coaching staff pathum a awm theih.

CYMA cricket hi kum 2003 aṭang khan neih ṭan a ni a, champion hmasa ber chu Armed Veng an ni. Champion lai leh champion ngun ber chu Ramhlun Venglai an ni a, vawi nga an champion tawh bakah a hnuhnung pathumah an champion zawn bawk.