Best player leh top scorer Alejandro Sanchez

I League 2023-24 season-ah Gokulam Kerala striker Alejandro Sanchez-a'n goal 19 khungin goal a khung tam ber a, best player atan thlan a ni bawk.

Spanish striker Sanchez hian goal 19 khung turin match 22 a khel a, Mizo tlangval Lalrinzuala'n goal li chauhin a pha lo. Aizawl FC striker Rinzuala hian match 20 chauh a khel a, Manipur club pahnih Neroca leh Trau te Aizawlah an zin duh loh avangin a khelh tlem phah. Serchhip tlangval Rinzuala tan tihtheih a awm ta lo.

I League award-ah hian mak takin Aizawla zin duh lo Trau FC hnenah fair play award hlan a ni a, chutihrualin fair play award hi card hmuh dan aṭanga teh a nih avangin Manipur club an vannei.

I League khelh zawh takah Mizo paruk ngawt awmna Mohammedan SC an champin a, season tharah ISL an khel dawn. Table hnuaia awm pahnih Trau leh Neroca te an relegate thung.