Pep Guardiola a thinur

Man City manager Pep Guardiola chu FA-in fixture an siam dan chungchangah a thinur hle. City hian April 17, Nilaini zan khan Real Madrid nen minute 120 chhung an khel a, penalty-ah an chak lo. ni hnih chiah awl hun neiin Chelsea an hmachawn lehnghal.

Spanish manager Guardiola chuan, "Kan inkhelh hun hi pawm thiam a har. Hei chu tih dan pangngai a ni lo. Player hriselna tan pawh a ṭha lo a, minute 120 kan khelh hnua Inrinnia min khelhtir hi ka hrethiam lo.

"Engtin nge Chelsea laka kan him pawh ka hrethiam lo. Engmah chu a danglam thei tawh lo. Chelsea, Man United leh Coventry te khan kar laihawlah inkhel an nei lo a, player hrisel nan pawh engvangin nge Inrinni kan chan?

"Ka player-te hi mi bik an ni. Engtin nge hetiang hun harsa hi an paltlang theih zawk. Football khelh chu nuam kan ti takmeuh mai. Mahse, player te dinhmun leh an hriselna hi kan ngaihtuah tel tur a ni. Tun ṭuma fixtures an siam dan hi chu an ti mah mah," tiin a lungawi lo hle.