Basketball inelna nei ṭan dawn

Mizoram Basketball Association hriatpuinain MBBA hnuaia Mizoram Referee (M.Riv) chuan a vawi thum nan L.E RANGVA Mizoram Inter Veng Under 21 Basketball Tournament an buatsaih leh a, vawiin hian khelh ṭan a ni ang.

Inelna hi Hawla Indoor Stadium, Republic Vengthlangah khelh tur a ni a, MBBA bakah Joint VC leh Aizawl City Local Council Association (ACLCA) te hriatpuina hnuaia siam a ni a, team 65 an inlan dawn a ni.

Team tam zawk chu Aizawl khawpui chhunga mi an ni dawn, khawpui pawn aṭangin team panga - Siaha Joint VC, Serchhip Joint VC, Kolasib Joint VC, Keifang Joint VC leh Champhai Vengthlang VC te an inlan ang.

Tournament hi ṭum hnih buatsaih tawh niin, kum 2022 khan Mission Veng an champion a, nikum kha chuan Khatla South LC ten nomawi an chawi ve thung a ni.