Sunrisers Hyderabad-in six vawi 22 an vua

Indian Premier League-a innings khata six vaw tam ber record chu vawi 22 a ni a, siamtu chu Sunrisers Hyderabad an ni. April 20, Inrinni zan khan Hyderabad hian an record siam tawh chu nih rual lehin six vawi 22 bawk an vaw chhuak.

Arun Jaitley, Delhi-ah mualneitu Delhi Capitals-in vawm hmasak an thlang. Sunrisers opener pahnih Travis Head (89 runs) leh Abhishek Sharma (46) ten six vawi ruk ve ve an vua.

Shahbaz Ahmed-a'n six vawi nga rawn vuain, Heinrich Klaasen (2), Nitish Kumar Reddy (2) leh Abdul Samad (1) ten six rawn vaw ve bawkin an vaia six an vuak zat chu 22 a ni. Sunrisers hian over 20-ah 266 runs ngawt an siam.

Delhi Capitals tan target a sang mah mah a, over 19.1-ah 199 siamin an thi fai vek. Sunrisers hi 67 runs-in an chak. Inkhel dangah Lucknow Super Giants (180/2) chuan Chennai Super Kings (176/6) chu wicket riatin an hneh.

Zanin dar 7:30 hian Rajasthan Royals leh Mumbai Indians te an inkhel dawn a, Royals hi vawi khat chiah la chak loin table-ah pakhatna an ni.