Champion lai Nuggets chak phawt

NBA playoff khelh ṭan a ni a, champion lai Denver Nuggets chuan nimin zing khan an match hmasa berah Los Angeles Lakers 114-103 in an hneh a, best of seven series khelh turah 1-0 in hma an hruai.

Nuggets tan an thiampuipa Nikola Jokic a langsar, point 32 ngawt neiin a team hi half time laiin hniam zawk mah se a tawp an thlen meuh chuan point 11 laiin an sang zawk hman.

Regular season lai khan Nuggets hian Lakers an hmachhawnah hnehna an chang vek, playoff boruak erawh a danglam hret. A tir lamah phei chuana che fuh lo leh hnufual zawk an ni a, mualpho thei dinhmunah an ding hman.

Amaherawhchu, hun pawimawh lai takin Nuggets an tho chhuak a, quarter thumna an khelh laiin an cet fuh vanglai chuan 13-0 a kal lai pawh an nei, hei vang hian a tawpah dinhmun ṭha zawk an luah theih phah.

Western Conference inkhel dangah Minnesota Timberwolves chuan Phoenix Suns 120-95 in an hneh. Team pahnihte hian Nilaini zing dar 5:00-ah game 2 an khelh leh ang, chak tur chuan a tlem berah game li tal lak a ngai dawn.