Mary J.Blige-i'n a album tawpna ber siam a tum

Mary J. Blige chu album siam turin a inbuatsaih mek a, a fan-te an phur hle laiin he album hi a project hnuhnung ber a nih theih thu a sawi.

Kum 53 mi ni tawh, 'Be Without You' hitmaker hian tun hnaia a interview-naah hemi chungchang hi sawiin,"Studio-ah music ka record chho mek a, nuam pawh ka ti hle. Mahse ka studio album tawpna ber tur a ni tawh maithei. Hun eng emaw chen rimawi lam ka luhchilh tawh a, a nuam pawh ka ti em em. Mahse hei hi album tawpna ber tur a ni maithei," a ti. A album tihchhuah hnuhnung ber chu kum 2022-a 'Good Morning Gorgeous' kha niin, nikum October thla khan single 'Still Believe in Love' a tichhuak bawk a, hetah hian rapper Vado a thawhpui a ni. He hla hi Adult R&B Airplay Chart, 2023-ah no 1 a nihpui a ni.