Rossi nena tlan dun ka châk tawh - Morbidelli

MotoGP season thar aṭangin Valentino Rossi chuan Petronas Yamaha a khalh dawn, a teammate tur Franco Morbidelli chuan Italian rider ropui nena team pakhat tana tlan dun a châk tawh thu a sawi chhuak.

Morbidelli chuan, "A nihna tak sawi chuan mi zawng zawngin Vale hi chu thawhpui an châk, kan team ngei pawh season thar atan kan phur tawh hle a ni. MotoGP legend a ni a, a rawn kal tur hi team tan hlawkna lian tak a ni ngei ang," a ti.

Italian rider Rossi hi season hmasa khan Monster Yamaha team tan a tlan a, nakkumah erawh Petronas Yamaha tan a tlan tawh ang. Kum 41 mi ni tawh mah se a theihna a la sang, inelna tihmuhnawmtu leh champion thei zinga mi a la ni ang.

MotoGP season tharah hian intlansiak 20 neih turin an ruahman a, tun dinhmunah chuan intlansiakna tur 19 chauh an la tichiang thung. Season khuh hnawn nan March khian Qatar Grand Prix neih a ni dawn.