Argentina manager hlui Sabella a thi

Alejandro Sabella chu Thawhlehni zan khan kum 66 mi niin a thi. Argentina tana khel tawh leh an ram team enkawl tawhtu hi a cancer a, lunglam ṭhat lohna a nei bawk.

Sabella hian 2014 World Cup-ah khan an ram hi final a hruai thleng, inkhel pawimawh berah Germany chu 1-0 in an ngam lo thung. November thla tawp lam aṭang khan damdawi inah dah a ni a, a ṭha chhuak zo ta lo a ni.

November thla tawp khan Argentina hian an player ropui Diego Maradona chu lungphu chawl vangin an lo chan tawh bawk. Sabella leh Maradona te hi kum 1980 bawr khan ram tan an lo khel dun tawh ṭhin.

Argentine Football Association chuan thuchhuah siamin, "Alejandro Sabella thihna hi Argentine football tan chuan chhanna nasa tak a ni. A hmangaih a kalsan takte kan tawrhpui takzet," an ti.