UCL khel thei naupang ber  Moukoko

Thawhlehni zan khan Borussia Dortmund-in Krestovsky Stadium-ah Zenit Saint Petersburg 2-1 in an hneh a, hemi ṭum hian kum 16  leh ni 18 mi Youssoufa Moukoko chu inlanin Champions League khel thei naupang ber a ni.

Dortmund hian group F hmahruaitu ni turin Zenit hi 2-1 in an hneh. Russian club hian Sebastian Drussi hmangin minute 16-naah hma hruai mah se German club-in Lukasz Piszczek (68') leh Axel Witsel (78') te goal hmangin an lehthal.

Cameroon-a piang Moukoko hian Bundesliga player naupang ber record a chelh a, youth team-ah Germany tan a khel. Moukoko chuan, "Dortmund-a professional player nih a, Champions League nomawi chawi a, Ballon d'Or lak chu ka tum a ni," tiin a sawi tawh a, a thlen chin chu hunin a la hril ang.

UCL khel thei naupangte

1. Youssoufa Moukoko (Kum 16  leh ni 18)

Zenit 1-2 Dortmund, 8 December 2020

2. Céléstine Babayaro (Kum 16 leh ni 87)

Steaua 1-1 Anderlecht, 23 Nov 1994

3. Rayan Cherki (Kum 16 leh ni 102)

Zenit 2-0 Lyon, 27 Nov 2019

4. Alen Halilovic (Kum 16 leh ni 128)

Dinamo Zagreb 0-2 PSG, 24 Oct 2012

5. Youri Tielemans (Kum 16 leh ni 148)

Anderlecht 0-3 Olympiakos, 2 Oct 2013