Futsal referee course buatsaih dawn

India rama football thuneitu sang ber AIFF leh Mizoram Football Association ṭangkawp chuan 'Introduction to FIFA Futsal Refereeing 2020' tih thupui hmangin December 14-16, 2020 chhung hian online course an buatsaih dawn.

Mizoramah futsal tui an tam a, khelhna hmun pawh a tam. MFA chuan futsal dan chiang lehzuala Mizoten an hmelhriat hi ṭha a ti a, hemi a nih avang hian Covid-19 vanga inelna buatsaih theih loh karah futsal dan lama hmasawn theih dan kawng a zawng.

AIFF aṭanga FIFA Futsal Instructor & Referee Course zir chhuak Lalbiakdika  leh VL Rinpuia te chu Course Instructor tur an ni ang.

Course chhim duhte chu December 12, Inrinni chhun dar 12:00 hmain phone number 7005648164-ah hian in report tur a ni.