Pahnihnaah Leeds an awm

Championship-ah champion inchuh boruak a sang a, Leeds United-in champion beiseina leh season thara Premier League khelh beiseina chhi nung turin Thawhṭanni zan khan Middlesbrough chu 4-3 in an hneh. Leeds hi pahnihnaah an awm a, hmahruaitu Leicester City chu point khat chiah an pha lo.

Riverside Stadium-a inkhelah Leeds tan Crysencio Summerville-a'n goal hnih a khung a, Patrick Bamford leh Wilfried Gnonto ten goal khat ve ve an khung. Mualneitu Boro hian Isaiah Jones hmangin khung hmasa mah se Leeds-in first half-ah vek an lehthal a, Emmanuel Latte Lath goal hnih khungin result a tidanglam pha lo.

Championship aṭangin a sang pahnihin Premier League khel turin an tling nghal dawn a, pathumna aṭanga parukna ten playoff hmangin hmunruak pakhat an inchuh dawn. Tun dinhmunah Leicester City, Leeds, Ipswich Town leh Southampton te playoff khel turin an tling tawh a ni.