A tawpah Juve an tlang hram

Juventus chuan hun tawp dawna Arkadiusz Milik-a goal khung hmangin Juventus chuan Coppa Italia final an lut hram. Nizan khan Atalanta leh Fiorentina ten semifinal pakhat zawk an khel, a chak zawkin Old Lady nen nomawi an inchuh ang.

Allianz Arena-a first leg an khelh ṭum khan Juventus hi 2-0 in an chak a, nuamsa taka tlang tura ngaih an ni. Mahse, Thawhlehni zan inkhelah Lazio chuan Valentin Castellanos-a goal hnih hmangin an sut zo, a tawpah Milik chuan 3-2 a an chakna goal a khung hram a ni.

Massimiliano Allegri naute hi second leg-ah 2-1 in chak lo mah se, an intawn hmasak an goal hnih neihsa hmangin an tlang. Serie A nomawi an chawi phak loh avangin Old Lady tan Coppa Italia hi a hlu zual dawn.

Juventus manager Allegri chuan, "Hma takah goal kan chhuah a, second hlaf tir lamah kan chhuah zui leh bawk. Goal hnih kan chhuah tawh kha chuan rilru a chiai a, engtin nge kan tlang thei ang tih ngaihtuah kha a hautak tawh hle.

A nihna takah chuan Dusan Vlahovic la chhuaka Milik dah luh kha mi ṭhenkhat chuan min dem ang tih pawh ka ring, mahse a tawpah chuan thutlukna kan siam fuh tih kan hmu," tiin a sawi.

Milik-a hian striker ṭha Vlahovic chu minute 81-naah a thlak a, Serbian striker thlaktu hian khelmual a luh aṭanga minute hnu lekah chakna goal leh final an luhna goal ni bawk a khung a, player siksawi danah coach Allegri a che fuh hle.