IPL-ah run a sur

Chennai Super Kings-in Thawhlehni zan khan 210 runs tehmeuh siam mah se chak nan an tawk zo lo. MA Chidambaram Stadium-ah Lucknow Super Kings-in over 19.3-ah 213 runs-in an rawn chhanglet a, mikhual team hi wicket rukin an chak.

Lucknow-in vawm hmasak an thlang a, Chennai batter-te an che ṭha hle. Captain Ruturaj Gaikwad-a'n ball 60 lekah 108 runs a hlap chhuak a, Shivam Dube-a'n 66 runs rawn belh bawkin MD Dhoni-a'n ball khat lek hmachhawnin four a vaw hman tho.

CSK hi chak thei dinhmunah an ding a, Super Giants opener Quinton de Kock chu run khat pawh siamtir loin pavilion lamah an thawnlet a, KL Rahul pawhin 16 runs bak a siam lo. Mahse, Marcus Stoinis-a'n ball 63-ah 124 runs a siam a, a tawp thlengin a dam bawk.

Deepak Hooda-a'n Stoinis rawn thlawp ṭha bawkin ball rukah 17 runs a rawn siam a, over 19.3-ah 213/4 runs siamin mikhual Lucknow Super Kings-in hnehna a chang. Table-ah pawh LSG hian point 10 hmuin CSK (point 9) chungah an awm chiah.

Zanin dar 7:30 hian Sunrisers Hyderabad leh Royal Challengers Bengaluru te an inkhel dawn. Sunrisers hi point 10 hmu tawh an nih laiin Bengaluru hian point hnih chiah an la hmu.