India-in inpuahchahna hun nei ṭha dawn

India national team chuan World Cup qualifier-a Kuwait (June 6) leh Qatar (June 11) an hmachhawn hmain inpuahchahna hun an nei ṭha dawn.

May 10, Zirtawpni aṭangin Bhubaneswar, Odisha-ah preparatory camp an nei ṭan ang a, kar li chhung an inpuahchah ang.

Hemi zawh hian final squad an thlang ang a, June 6, Ningani aṭangin Kuwait an hmachhawnna tur hmun Kolkata-ah training an chhunzawm dawn.

India hian bul ṭan ṭha mah se March thlaah Afghanistan ṭum hnih hmachhawnin point khat chauh an hlawh chhuak. Qatar hnuai chiaha India hi an la awm a, chutihrualin Afghanistan nen an point hmuh zat a inang thung.