Doncic hoin Dallas Mavericks an chak

Luka Doncic-a point 32 neih hmangin Dallas Mavericks chuan Los Angeles Clippers chu 96-93 in an hneh. NBA playoff khelh laiah team pahnihte hi 1-1 in an inhnehtawk mek, best of seven series a nih avangin tlang tur chuan vawi li chak tlin a ngai.

Nimin zing Crypto.com Arena-a inkhelah Dallas tan Doncic-a'n point a neih tam bakah assist ṭum kua a nei bawk a, an chak theih nan a thawhhlawk hle. Kyrie Irving chuan point 23 a nei ve bawk.

James Harden leh Paul George ten LA Clippers tan point 22 ve ve nei mah se chak nan a tawk zo lo. Inrinni zing dar 5:30-ah game 3 an khel chhunzawm leh dawn a ni.