Wenger-a'n PSG champion a ring

UEFA Champions League-ah Real Madrid, Paris Saint Germain, Bayern Munich leh Borussia Dortmund te chauh an dam tawh a, Arsenal manager hlui Arsene Wenger chuan PSG hun a inherchhuah tur thu a sawi.

French pa chal Wenger chuan, "Season ṭantirh aṭang khan kumin chu PSG hun a nih theih thu ka sawi tawh. Final thlen hmain rinkai pahnih Man City leh Real Madrid te an inkhel a, club lian tak pakhat chu an tla tawh. Tunah chuan Real leh PSG te hi rinkai chu an ni tawh. Champion tur chu a la hriat hauh lo a, chutihrualin kei chuan Paris hun a inherchhuah tawh ka ring," tiin a sawi.

Luis Enrique kaihhruai PSG hian UCL-a semifinal an thlen bakah Coupe de France-ah final an lut a, Ligue 1-ah champion turin an dinhmun a ṭha tawh a, Trophée des Champions nomawi an chawi tawh. A tawi zawng chuan Paris club hi quadruple champion thei dinhmunah an ding tihna a ni.