Pant-a'n Delhi a chakpui

Indian Premier League-ah Delhi Capitals-in Gujarat Titans chu run liin an hneh a, Rishabh Pant-a'n thi loin 88 runs a siam.

Arun Jaitley Stadium-ah Gujarat-in vawm hmasak an thlang. Opener Prithvi Shaw (11) leh Jake Fraser-McGurk (23) ten bul ṭan ṭha tawk lo mah se Axar Patel (66) leh Rishabh Pant (88) te zarah 224/4 an tlin.

Ṭum dang ang chu ni se, 224 runs chu chakpui ngei tur a ni a, tun season-ah erawh a ni lo. Gujarat Titans chhuanvawr Shubman Gill-a'n run ruk chauh siam mah se Sai Suhdarsan (65) leh David Miller (55) te an che ṭha a, chak beiseina an nei hial.

Gujarat hian over tawp berah 19 runs siam an la ngai a, chak thei dinhmunah an ding. Rashid Khan-a'n ball hmasa pahnihah four a vuak hnuah ball hnih dangah run a siam lo a, ball nganaah six a vaw chhuak. Rashid-a'n ball tawp berah chak turin six runs vuak a mamawh a, four runs hmangin an draw thei bawk. Mahse, bowler Mukesh Kumar a hming ṭha ta zawk a, Rashid-a'n a vuak fuh ṭhat tawk loh avangin run siam pawh an tum kher lo a, Delhi run liin an chak.

Zanin dar 7:30 hian Kolkata Knight Riders leh Punjab Kings te an inkhel leh ang. IPL khelh mekah KKR hian match sarih aṭangin point 10 hmuin pahnihnaah an awm mek a, Punjab erawh match riatah point li chauh hmuin pakuanaah an awm thung.