Silly Point : Ram tinah Cricket
Central YMA buatsaih ṭhalaite intihhlimna leh inelna thianghlim, Inter Branch Cricket Tournament khelh kum chu a lo inher chhuak leh ta. Buatsaihtute lamin Sihhmuia, cricket stadium-a pitch leh khelmual pangngai hmang loin carpet hman an thlang.
Khawpui chung khelmuala, carpet phah chawp ngei maia an han buatsaih hi a eng emaw zawng chuan a hlimawmin, cricket han tihlar nan pawhin a ṭha phian mai ka lo ti.
Professional club tournament a ni lem lo bawk a, Sihhmui lama insuan lovin final pawh Lammual emaw Ramhlun Sports Complex velah huaihawt se. Cricket standard chu turu lutuk lo mah se boruak a siamin, a hlimawm dawn phianin ka hria.
Champion lai Ramhlun Venglai Branch YMA bawk an tawrhhlehawm ber dawn tih a chiang. Final hnuhnung pathuma a zawna an hmachhawn Durtlang Branch YMA lam hian dawhkan her dan thlak danglam thei tak maw. Carpet chunga inkhel an ni bawka, technique leh tactic siamchawp hmang thiam thiam dinchanna a nih hmel dawn e.
Kohli-top, Bengaluru-flop
IPL lamah chak ni hmel hmu khat tak, run vuak chhuah khawl Virat Kohli a telna team Royal Challengers-in Sunrisers an barakhaih.
Bengaluru khaw ṭhenawm, Hyderabad hi kumina an game tactic hmanga khawvel rawn barakhaihtu an ni. Mahse, table mawngphaha awm Kohli telna RCB-in an hneh thung.
League boruak hmawr bawk dawn hnaih lamah, a Indian Serial Drama thawnthu ṭan ta ruih mai le.
666 leh a behbawm
666 hi Kristiante chuan kan hmu ramhuaiin, a sakawlh deuh ruih pawh a ni thei. Khawvel cricket arsi lian, tunah chuan Val Upa chanvo chelh chunga inkhel tawh, Mahendra Singh Dhoni erawh a lo la ropui reng. Six vawi thum a zawna a a la vaw chhuak thei te khan, kum 20 liam ta Dhoni a hlimthla a rawn tilang leh kan ti lo thei lo.
Bowler-te tan mangchhiatna tun season IPL-ah pawh Jasprit Bumrah erawh a hlauhawmna a la ngai reng thei te, Assam tlangval Ryan Parag-a'n IPL-ah a hming a chher thei a nih chuan, kan Zofa cricketer-te hian kan theih lohna bik a awm lo (hun erawh kan mamawh deuh) tih te kan hmuchhuak zel a nih hi maw.
Happy Weekend
Vawiin tlai leh zan lam leh naktuk chawlhni inkhel tur pahnih awmte hian, a mawngphah leh chung palia awm tur team dinhmun chu a riruang a rawn ti lang fiah ṭan ngei tawh dawn thung.
Kartawp hman nuam vek u le.