Leverkusen dal theitu Stuttgart

Bayer Leverkusen-in tun season competitive match 45-ah hneh loh an tawng lo a, Bundesliga-ah champion tawh mah se an record duhawm hi chhunzawm zel an duh ang. Xabi Alonso hote hian zanin dar 10:00 hian Stuttgart an mikhual dawn a, an khingpui tur hi table-ah pathumnaah awm mekin Bayern Munich aiin point thum chauhin an hmu tlem zawk.

Leverkusen-in tlawm an hreh ang bawkin Stuttgart hian season thara Champions League khel turin match li aṭangin point sarih an la mamawh. Chutihrualin panganaa awm mek Borussia Dortmund-in Stuttgart chetsual an chang ve bawk.

Dortmund hian zanin dar 7:00 hian palinaa awm RB Leipzig an tlawh dawn a, an chak a nih chuan palinaah an inhlang chho thei ang. A tawi zawngin UCL hmunruak pahnih hi club pathum Stuttgart, Leipzig leh Dortmund ten an inchuh dawn tihna a ni.