Table mawngphaha awm Bengaluru an chak

IPL-ah Royal Challengers Bengaluru-in match ruk chhung a zawna an chak loh hnuah chak hmel an hmu a, Ningani zan khan pathumnaa awm mek Sunrisers Hyderabad chu 35 runs-in an hneh.

Rajiv Gandhi International Stadium, Hyderabad-ah Bengaluru-in an bat hmasa a, team ang ni lo, mimal anga che ṭha Virat Kohli che ṭha chhunzawmin 51 runs a siam. Rajat Patidar-a'n half century siam ve bawkin RCB-in 206/7 runs an siam.

Sunrisers bat hun a thleng a, top order chet ṭhat loh an tuar. Shahbaz Ahmed (40) leh Pat Cummins (31) te rawn che ṭha mah se over 20-ah 171/8 runs chauh an siam thei a, 35 runs-in an chak lo.