Thawh chhuah theih inring Bagnaia

MotoGP champion lai Francesco Bagnaia chuan season bul ṭan fuh tawk lo mah se insiamṭhat theih a beisei. Pathianni tlai dar 5:30 hian Jerez tlankawngah Spanish Grand Prix an tlan leh dawn a ni.

Tun season rider championship-ah Bagnaia hi pangana a ni mek, a chungah hian Pedro Acosta, Maverick Vinales, Enea Bastianini leh Jorge Martin te an awm, nomawi humhim tur chuan insiamṭhat a mamawh hle.

Ducati rider Bagnaia chuan, "Season khat chhungin intlansiak tam tak kan hmachhawn ṭhin, chung zingah chuan Jerez hi hmun nuam ka tihna tak a ni a, tun ṭumah pawh hian beisei pawh ka nei sang.

"A nihna tak sawi chuan harsatna neuh neuhte kan nei ve a, chu chuan kan nih tur ang min nih tir thei lo ṭhin. Tunah erawh kan buaina te a kiang ve zel a, midang tan pawh el tham tak kan nih a rinawm.

"Intlansiak hnuhnung pahnihah kha chuan mi dang lan nawr ngam lo, mahni inveng tak chungin kan tlan. Jerez-ah erawh a ṭha ber nih tumin kan tlan ang," a ti a, a title humhim tura beih a tum tih a sawi bawk.