Vawiinah Khelo India hmeichhe football final

Khelo India Women's Football League Mizoram 2023-24 final chu vawiin chhun dar 12:00 hian Lammualah St. Joseph HSS leh Springfield HSS ten an khel dawn. Inelna hi Sports & Youth Services Department leh Mizoram Football Association te buatsaih a ni.

Inelna hi April 23, 2024 aṭang khan Lammualah khelh ṭan a ni a, team pali SYS FC, Mt Carmel School, St Joseph HSS leh Springfield HSS ten inelna hi an hmachhawn. Vawi khat ṭheuh an inkhelh kual hnuah a sang pahnihin final hi an khel dawn.

Nimin khan league round hnuhnung ber khelh a ni a, final thlirlawkna inkhelah St Joseph HSS hian Springfield HSS hi 6-1 zetin an sawp. Champion turin St Joseph HSS hi rinkai a ni ang.

Inelnaah hian top scorer, best player leh fair play trophy te a awm dawn. Khelo India Women's Football League hi MFA Women's League nen ngaih pawlh lo tur a ni a, MFA Women's League chu Mizoram chhunga hmeichhe inelna sang ber niin club inelna a ni.

Halftime chawlh laiin exhibition match khelh a ni dawn a, MFA Women's Committee leh Team Miss Mizoram ten an khel ang.