Goal khung tam ber Kane

Tun season Europe-a league hrang hranga goal khng tam ber chu Harry Kane a ni a, England captain hi ESM Golden Shoe ranking-ah pakhatna a ni mek.

Kane hian Bundesliga-ah goal 33 khungin amah hnaih bertu Stuttgart striker Serhou Guirassy-a'n goal 25 a khung. English striker hian 66 points a hmu mek a, lawmman dawng turin a dinhmun a ṭha hle.

ESM Golden Shoe-ah hian league-a an goal khung chauh en a ni a, zanina an khelh tur UCL-a an goal khung chhiar tel a ni lo. Chutihrualin Kane-a'n champion nomawi a duh a nih chuan UCL-ah chiah beisei tur a nei tawh a ni.

UCL bikah Kylian Mbappe-a'n goal a khung tam ber a, goal riat khung tawhin assist a la nei lo thung. Kane erawhin goal sarihin khungin assist vawi thum a nei tawh a, Bayern goal khung 10-ah inrawlh.