Ligue 1 champion PSG

Paris Saint Germain chu a zawna a vawi thum nan Ligue 1 champion an ni. Paris club hian tun hnai kum 11 chhungin vawi 10 ngawt mai league nomawi an chawi thei tihna a ni.

Inrinni zan khan PSG hi an inlan a, chak ni se la chuan midang result ngaihchan tel ngai loin an champion ang - mah se Le Havre nen an inhnehtawk a, anmahni khelmualah champion an lawm thei rih lo.

PSG hnaih bertu AS Monaco chu Pathianni zan khan an inlan a, an mikhualna ramah Monaco hi 3-2 in an chak lo. An chak loh avang hian league match khelh hmabak pathum la awmah PSG an umphak thei tawh lo a ni.

Luis Enrique naute hian tunah chuan an rilru zawng zawngin Champions League an ngaihtuah thei tawh ang. Nilaini zan hian Borussia Dortmund nen UCL semifinal an khel dawn a, rilru hahdam takin German club an hmachhawn ang.

PSG hian France ram chhunga inelna nomawi hrang hrang chu an chawi hnem ta malh malh hle, an duh ber UCL-ah erawh an la champion lo. Kylian Mbappe hoin tun hma lama an la tih theih ngai loh hi tih an tum dawn a ni.