Inter-district boxing thiam ber Aizawl

Mizoram Boxing Association (MIZBA) buatsaiha neih 19th Inter Distrcit Boxing Championship chu neih zawh a ni ta a, overall team champion chu Aizawl district niin, gold 14, silver 13 leh bronze 21 ngawt an la.

MIZBA Hall, Ramhlun Sport Complex-ah inelna hi neih niin, April 23-26 inkar khan neih a ni a, boxer 266-in inelna hi hmachhawnin, sub-junior, junior leh senior category-ah te neih a ni.

Senior men's most promising boxer atan Champhai district aiawha inlan Lalmalsawmzuala chu thlan a ni a, senior women's most promising boxer atan Serchhip district nula Lalṭhakimi chu thlan a ni ve bawk.