Mavericks lakah Clippers tho chhuak

Los Angeles Clippers chuan dinhmun hniam zawka an din hnuah Dallas Mavericks chu 116-111 in an hneh let. Western Conference playoff khelh mekah team pahnih te hi 2-2 in an inhnehtawk mek.

Nimin zing inkhelah Mavericks hian bul an ṭan fuh lo a, chawlhlawk an hman lai chuan point 31 ngawtin an hniam zawk, tho chhuak leh tur chuan thil mak thlen tir a ngai tihna a ni.

Hun pawimawh laiah Kyrie Irving a rawn inlar a, ani hian point 40 tehmeuh rawn neiin inkhel tawp lam an thunun viau. Inkhel bul ṭantu zinga mi James Harden leh Paul George te chuan point 33 ve neiin an chak theih chhan an ni bawk.

Mavericks tan an star player Luka Doncic chuan triple-double (29 points, 10 rebounds leh 10 assists) a nei a, khel ṭha viau mah se a team chakpui nan a tawk zo ta lo a ni.

NBA playoff chinah chuan best of seven series hmangin chak zawk tur zawn a ni a, tlang tur chuan a tlem berah vawi li tal chak a ngai - Ningani zing dar 7:30 hian game 5 an khel leh ang.