Chennai leh Bengaluru te an chak

IPL-ah run an siam tam chhunzawm zel a, Pathianni khan Chennai Super Kings leh Bengaluru ten run 200 chuang siam ve vein hnehna an chang. Zanin dar 7:30 hian inelna chhunzawm tur a ni a, Lucknow Super Giants leh Mumbai Indians te an inkhel ang.

MA Chidambaram Stadium-ah Chennai tan Ruturaj Gaikwad (98), Daryl Mitchell (52) leh Shivam Dube (39*) te an che ṭha a, over 20-ah 212/3 runs an siam. Sunrisers Hyderabad tan target a sang hret a, over 18.5-ah 134 runs siamin an thi vek a, Chennai hi 78 runs-in an chak.

Narendra Modi Stadium-ah Bengaluru-in vawm hmasak an thlang. Gujarat Titans-in 200/3 runs an siam a, chakpui tham a tling. Mahse, opener Virat Kohli leh Will Jacks ten thi loin 70 leh 100 runs an siam a, over 16 lekah Bengaluru hian 206/1 runs siamin wicket kuain hnehna an chang.