South Africa captain tur Markram

ICC hnuaia inelna lianah a vawi khat nan Aiden Markram-a'n South AFrica a ho dawn. Nimin khan South Africa chuan T20 World Cup 2024 khel tur player 15 awmna squad an puang.

Kum 29 mi Markram captain-na hnuaiah South Africa-in Under 19 World Cup nomawi an chawi a, South Africa chhunga T20 inelna SA20-ah Sunrisers Eastern Cape chu a captain-na hnuaiah kum 2023 leh 2024 khan a champion pui bawk.

T20 World Cup 2024 hi June 1-29, 2024 hian West Indies leh United States-ah khelh a ni dawn. Inelnaa hian team 20 an tel dawn a, match 55 zet a awm dawn.

New Zealand chu squad puang hmasa ber an ni a, April 29, Thawhṭanni khan an puang tawh. Kane Williamson-a hoin Black Caps hi an khel ang. India pawhin February 14, 2024 khan Rohit Sharma captain tur thu an puang a, final squad erawh an la tichiang lo thung.

South Africa squad: Aiden Markram (c), Ottniel Baartman, Gerald Coetzee, Quinton de Kock, Bjorn Fortuin, Reeza Hendricks, Marco Jansen, Heinrich Klaasen, Keshav Maharaj, David Miller, Anrich Nortje, Kagiso Rabada, Ryan Rickelton, Tabraiz Shamsi, Tristan Stubbs.

Reserves: Nandre Burger leh Lungi Ngidi.