Durtlang aia sang Serkawn

Ather Pro Volleyball League 2024 hmeichhe inelna lamah Serkawn chuan Durtlang 15-7, 15-13, 15-5, 15-12, 15-6 (5-0) in an hneh a, tualchhung volleyball inelna sang berah hnehna an chang.

LPS Arena, Falkland Vengah inelna hi neih niin, hmeichhe inelnaah hian set nga an khel ziah a, game point atan 15 hman a ni thung. Serkawn hian set nga an lak avangin point nga an hmu.

Durtlang an la chefuh thei lo chhunzawm zel - Pro Volleyball League-ah hian match an khelh hnuhnung pakuaah chak ni hmel an hmu miah lo, kuminah pawh semifinal khel phak tur chuan insiamṭhat an mamawh dawn hle tihna a ni.

Zanin dar 8:00 hian a hmun ngaiah hmeichhe inelna neih chhunzawm a ni dawn, champion lai Luangmual leh Diakkawn te an inhmachhawn dawn, inkhel hmuhnawm a beisei ngam ang.

Luangmual hian an match hmasa zawkah Bungkawn chu 4-1 in an hneh a, Diakkawn hi Serkawn laka 5-0 a chak thei an ni bawk - champion tum ngam leh champion thei tur khawpa ṭha pahnih an ni.