Salt-a'n Kolkata a chakpui

IPL-ah Kolkata Knight Riders chuan Delhi Capitals chu wicket sarih in an hneh. KKR tan Phil Salt a che ṭha a, 68 runs a siam.

Eden Gardens-a inkhelah Delhi Capitals-in bat hmasak an thlak ang a, top order lam an che ṭha lo. Rishabh Pant pawhin 27 runs chauh a siam a, Kuldeep Yadav-a'n thi loa 35 runs a siam zarah over 20-ah 153/9 runs an tlin.

Delhi target chhawp hi tlem mah mah a, KKR opener Salt-a'n ball 33 leka 68 runs a siam avangin an hnaih deuh nghal. Mualneitu tan captain Shreyas Iyer-a'n 33 runs a rawn siam bawk a, over 16.3 lekah 157/3 runs siamin wicket sarihin hnehna an chang.

Zanin dar 7:30 hian Chennai Super Kings leh Punjab Kings te an inkhel dawn a, Punjab tan knockout stage beiseina nei turin chak ngei a ṭul tawh ang.