French Cup an chawl lailawk

French Football Federation (FFF) chuan coronavirus vangin ram chhunga football kalphung ṭhenkhat an ti danglam a, French Cup leh kum naupang lam inelna chu December thla thleng atan chawlh lawilawk a ni.

France president Emmanuel Macron chuan November thla tawp thleng ram chhungah inkharkhip a puang. Ligue 1, Ligue 2 leh ram leh ram inelna erawh a hmuna entu awm loin kalpui a ni thung ang.

April thla aṭanga chhutin tun hnai hian France ramah hri kai thar an pung. Nilaini khan kai thar mi 36,437 zet an awm a, thihpui pawh 244 an awm. Season hmasa khan hri leng vang hian inelna an neih hmabak pawh khel zo loin an lo tawp tawh bawk.

France ang tho hian Germany-ah pawh inkhel entu an awm dawn lo. Tun season Bundesliga match ṭhenkhatah entu awm hman mah se an ramah hri kai thar an pun leh tak avangin inkaihhruaina dan an siam thar a ni.