Thutak Nunpuitu Team an tho chhuak e!

Champion lai an ni a, an match hmasa berah Thutak Nunpuitu Team (TNT) an chetsual avangin anmahni ṭantute an hlauthawng. Thawhlehni zan khan TNT an inlan nawn a, chesual loin Tuichangral chu 25-22, 17-25, 25-23, 19-25, 16-14 (3-2) in an hneh.

LPS Arena, Falkland-ah Ather Pro Volleyball League 2024 khelh chhunzawm niin - TNT tan Zosangzuala chu Kuriz Player of the Match ni thei khawpin a khel ṭha a, damkawr Vanlalṭanchhana'n a thawhhlawk hle bawk.

TNT setter Lalliankima'n Lalmama hnenah ball a pe hnem a, a hlap tlak hnuin Tuichangral spiker Zomuana'n a vaw kai lo zui ve leh a, set khatnaah 16-12-in hma an hruai. A hnuah Zomuana'n hlap tlain 20-20 ni leh hman mah se, hun pawimawhah Valbuanga'n a theihna lantirin 24-22 a nih laiin tha takin a vaw tla.

Tuichangral player-ten danglamna siam turin vuak tlak mai an awlsam a, set an hloh hnuah insiam remin inkhel an thunun hneh hle. TNT nawr tawmin set hnihna an lak hnuah harsa lo taka set hnih la zawn thei turin point rukin an sang a, point thum hmuh belh chiah an mamawh.

Hun khirh takah TNT-in champion ni awm rengin an bei let a, Sadrak Fanai chuan vaw tlain Lalmama ho in phui takin net chungah lehlam an dang zui. Tuichangral rinrawl Zomuana leh Sonu chuan an hlap tla thei mai lo a, 22-22 a ni chho chiah.

Zomuana'n vaw tlain Tuichangral an sang zui leh na a, boruak sangah lehlam an nghet zawk. Lalmama'n a hlap tlak hnuah khaw chhak team setter C. Zonunmawia'n a tisual a, TNT-in tlang turin point khat chiah neih belh an mamawh laiin Saidingpuia Sailo chuan point a hloh a, khelmuala hun a hman chhungin vawi ruk a vuak tlak zat chiah point a hloh a ni.

Set linaah Tuichangral kir lehin Biakmuana, Zomuana leh Sonu-a bakah rang taka ball hniam vawtu Tp-a te an inkawp fuh leh a, TNT-in an ngam lo. Mahse, an insawrbing rei thei lo a, set nganaah boruak a danglam thar leh deuh.

A chak tur tihfelna hnuhnungah Tuichangral talbuai hmasain 9-4-in an hniam a, Zomuana'n point hmu zawn chho in 12-10-in an sang ve leh a, chak tlang thei turin hmabak an ngah tawh lo. TNT rilru a paukhauh a, Lalmama'n Sonu-a vuak a dang tla a, 13-12-in an lehpel.

Inkhel tawk takin 14-14 thlengin Tuichangralin nih rual leh thei mah se Valbuanga'n vaw tlain TNT-in point hmuh belha chak thei dinhmunah an ding. Khaw chhak team-in point an hmuh let theihna hun tha hlohin Laldinchhunga'n remchang a neih phah a, fuh zeta a hlap tlak rualin league kal meka a vawi khat nan champion lai an chak.

An chak theih K. Zodingliana'n hloh nei lovin point kua a hmu a, Sadraka'n point kua ve tho thawk chhuakin ṭum thum a tisual a, team pum puiin hma an sawn. An khelh ṭhat laiin Tuichangral an khawng hle a, chutih rualin team el tham lakah an nghet tawk lo tih a lang.

TNT-in lei rem an rap thar leh a, khelh hnihah league point hnih kawlin Inrinni zanah Durtlang North an khelhpui leh dawn. Tuichangralin set hnih an lak ve avangin point khat an neih belh a, league point li thawk chhuak tawhin May 11-ah an inlan leh dawn a, Durtlang North an hmachhawn ang.