Mumbai aia ṭha Lucknow

IPL-ah Lucknow Super Giants chuan Mumbai Indians chu wicket liin an hneh. Ekana Sports City, Lucknow-a inkhelah Mumbai-in over 20-ah 144/7 runs chauh an siam a, mualneitu hian over 19.2-ah 145/6 siamin hnehna an chang.

Mumbai-in knockout stage thleng turin chak mamawh mah se Rohit Sharma-a'n run li bak a siam thei lo a, Suryakumar Yadav pawhin 10 runs chauh a siam. Batter pahnih hi T20 World Cup-a India innghahna tur a ni. Mumbai tana che ṭha ber Nehal Wadhera-a'n 46 runs a siam a, Tim David-a'n thi loin 35 runs siam ve bawkin 144 runs an siam hram.

Super Giants tan target harsa niin a lang lo mah se World Cup-a koh loh KL Rahul-a'n 28 runs bak a siam lo. Mahse, Marcus Stoinis-a'n 62 runs a siam a, Nicholas Pooran (14 runs) leh Krunal Pandya (run khat) te hmangin over tawp berah hnehna an chang chauh.

Zanin dar 7:30 hian Sunrisers Hyderabad leh Rajasthan Royals te an inkhel dawn. Season chawhnu lam a nih tawh avangin inkhel zawng zawng a pawimawh tawh hle.