Keys lakah Jabeur a chak lo

Madrid Open khelh laia hmeichhe inelna lamah seeded pariatna Ons Jabeur a tla. Thawhlehni zan quarterfinal inkhelah Jebeur hi Madison Keys lakah 0-6, 7-5, 6-1 in a chak lo.

Tunisian star Jabeur hian inkhel bul a ṭan fuh takzet a, set khatna bikah phei chuan game a hloh miah lo. Mahse, set thum an khelh zawh meuh chuan a chak lo, set hnuhnung pahnihah a hniam zawk a ni ve ve a ni.

Kum 29 mi Keys-i hian a match lehpekah chuan Iga Swiatek a hmachhawn ang. Inkhel dangah world number 1 Swiatek hian set hloh hmasa zet mah se Haddad Maia chu 4-6, 6-0, 6-2 in a lo hneh ve bawk.

Europe khawmualpuia clay court inelna lian hrang hrangte chuan Swiatek hi a champion kim teuh tawh lo - Madrid Open hi a hmabak awmchhun a ni tawh, kuminah tihlawhtling turin match vawi hnih chak a la mamawh a ni.