India tana inlan tur an puang

T20 World Cup 2024 khel tur India squad puan a ni a, captain Rohit Sharma leh Virat Kohli te chu hming langsar an ni. India hian group stage-ah Ireland, Pakistan, USA leh Canada te an hmachhawn ang.

USA leh West Indies-a inelna neih turah India tan Hardik Pandya chu vice captain a ni dawn a, KL Rahul an koh loh laiin Yuzvendra Chahal chuan kohna a dawng ve leh thung a ni.

Squad-ah hian Sanju Samson leh Rishabh Pant te pahnih chu keeper-batter an ni dawn a, reserve lamah Rinku Singh leh Shubman Gill te an awm thung ang.

India group match khelh tur zingah June 9-a Pakistan nen an intawng tur chuan ngaihven a hlawh bik. Eisenhower Park, New York-ah a ni dawn a, ram pahnih chauh ni loin khawvela cricket ngaina tuten an ngaihven leh hle dawn a ni.

T20 World Cup-ah hian England chu champion lai niin, nomawi inchuhna inkhelah Pakistan an hnehin Australia khawpui Melbourne-ah title an la.

India squad:

Rohit Sharma (captain), Hardik Pandya (vice captain), Yashasvi Jaiswal, Virat Kohli, Suryakumar Yadav, Rishabh Pant (wk), Sanju Samson (wk), Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah, Mohd. Siraj.

Reserves: Shubman Gill, Rinku Singh, Khaleel Ahmed leh Avesh Khan.