Sane-a'n hmasawn a mamawh - Flick

Bayern Munich-in German player ṭha ber lakluh an duh ṭhin a, tun nipui transfer khan Manchester City aṭangin Leroy Sane an lalut. German winger mahni pound maktaduai 44.7 a ni a, a chet ṭhat dan a zirin pound maktaduai 54.8-ah a pung chho thei bawk.

Kum 24 mi Sane hi a man aṭanga chhut chuan Bavarians rinrawl ni nghal tur a ni a, amaherawhchu rinrawl a la ni mai dawnin a lang lo. Sane hian Bundesliga-ah Eintracht Frankfurt 5-0 a an sawp ṭumin goal khung mah se Champions League-a Locomotiv Moscow an hneh ṭumin bench-ah a ṭhu tluan.

Bayern boss Hansi Flick chuan, "Hmasawna theihna tur a la nei a, hmasawn a la mamawh," tiin Sane chungchang a sawi a, ngaihtuah a ti thui hle. Manchester City tana a khelh lai pawhin Sane hi defending lama a ṭangkai tawk loh vangin Pep Guardiola-a'n bench-ah a dah ṭhin a, a hun tawp lamah phei chuan Bernardo Silva a thlang zawk.

Sane hian Bayern leh Germany tana hmun pawimawh chang chho turin Hansi Flick-a mit a tlung a pawimawh a, a chak lohna laiah insiamṭhat ran a mamawh a ang. Zanin dar 8:00 hian Bayern Munich-in FC Cologne hmachhawn turin RheinEnergieStadion an tlawh ang.