Benzema leh Vinicius buaina an chingfel

Real Madrid-in Champions League-ah 2-2 in Borussia Mön-chengladbach an inhnehtawkpui a, half time-a Karim Benzema leh left back Ferland Mendy titi dunna put ru chuan khawthlang media-ah sawi a hlawh hle. 

Benzema hian chawlhlawk an hmang zo, khelmual an pan dawnin Mendy hnenah hian an khelhpui Vinicius Junior chu ball pe ve lo turin a hrilh! French striker hian, "Vinicius hi ball pe suh, ka nu hming chhalin ka sawi ang e, lehlam pawl tan a khel a ni," a ti!

Mendy hian, "Eng thil ṭangkai mah tih a nei lo," tiin a chhang zui a, Spanish chanchinbu lar Marca-in a tarlan dan chuan second half-ah Mendy hian Vinicius chu vawi thum chiah ball a pe. 

Mahse, Marca vekin a tarlan danin Nilaini an chawlh hnuah Real Madrid squad hian Ningani zing khan training an nei leh tawh a, hetah hian Benzema chuan Brazilian forward Vinicius hi ngaihdam a dil. 

Vinicius hian Ben-zema insawifiahna a pawm a, tunah chuan an boruak a ṭha leh tawh - Real tan chanchin lawmawm dang a awm a, Gladbach laka bench aṭanga luhtir Eden Hazard-a'n ngai a awh chho zel a, zanin dar 6:30 league match-a Huesca an mikhual hunah Zinedine Zidane-a'n a duh chuan bul a ṭantir thei ang.