Ruahsurin CYMA Cricket a tibuai

CYMA leh CAM buatsaih 12th Inter Branch Cricket tournament last 16 inkhel chu ruahsur vangin match hnih khelh theih loh a ni a, DLS Method hmanna match thum a awm bawk.

Ruahsurin a tihbuai Durtlang vs Ramthar Veng leh Armed Veng vs Zotlang chu vawiin lamah khelh a ni ang. Vawiin hian match thum a awm dawn a, an khel zo thei vek a nih chuan quarterfinal khel tur a hriat kim ang.

Champion lai Ramhlun Venglaiin quarterfinal an lut hmasa ber a, nimin lamah record nei ṭha Chanmari bakah Ainawn, Hunthar leh Luangmual te a sang pariat zingah an inhlangkai bawk.

Ruahman dan chuan quarterfinal hi May 6-7, 2024-ah khelh tur a ni a, inkhel turte hi pawh ṭhat leh vek tur a ni. Tun dinhmunah CYMA Cricket-a champion tawh Ramhlun Venglai, Chanmari, Durtlang leh Armed Veng te an la dam vek. Durtlang leh Armed Veng te erawhin vawiinah last 16 an khelh a ngai thung.