Veteran Football Semifinal-ah Aizawl S III, Lengpui leh Ward No. II

GIG Motors Veteran Football Tournament 2024 chu 1st MAP Ground, Armed Vengah khelh chhunzawm zel a ni. Vawiinah group stage khelh zawh a ni ang.

Inelnaah hian team panga chu group paliah ṭhendarh an ni a, a sang ber chauhin semifinal an lut dawn. Group A-ah Aizawl South III-in Vanlalngheta hattrick hmangin Ward No. X chu 3-1 in an hneh a, semifinal an lut.

Group B-ah Ward No. XVII-in final round turin Lengpui Veteran hneh ngei an mamawh a, mahse point khat chauh mamawh Lengpuiin Rohmingthanga goal hnih hmangin an mamawh tawk point an hmu ta zawk.

Group C-ah Ward No. II-in match liah point 10 hmuin semifinal an lut tawh a, nimin inkhelah Ward No. V-in Ward No. XIV chu 6-1 in sawp mah se table a tidanglam pha lo.

Group D-ah semifinal lut tur a la chiang lo. S. Malsawmtluanga goal hmangin Ward No. IX-in Lunglen Veteran 12-0 in an sawp a, point 10 hmuin hmahruaitu an ni a, goal difference 19 an nei bawk. Vawiin hian GD 11 nei mektu Ward No. IV-in Ward No. XI an hmachhawn ve ang a, goal kuaa hnehna an chang theih chuan Ward No. IV hian semifinal an lut ang.