Luangmual an chak nawn

Ather Pro Volleyball League 2024 hmeichhe inelna lamah Luangmual an che ṭha chhunzawm. PVL champion lai hian Nilaini zan khan an khingpui Diakkawn chu 15-13, 16-14, 8-15, 15-10, 8-15 (3-2) in an hneh.

LPS Arena, Falkland-ah Luangmual an hmuhnawm a, point 14 neia a team chakpuitu Lalramliani chu Kuriz Player of the Match atan thlan a ni. Luangmual hian an match hmasaah hnehna an chang tawh bawk.

Luangmual hian set thum lain point thum an hmu a, Diakkawnin set hnih lain point hnih an hmu thung. League vawi hnih ve ve an khelh tawhah Luangmual leh Diakkawnin point sarih ve ve an thawk chhuak a, an inkara chak zawk Luangmual an sang zawk a ni.

Zanin hian a hmun ngaiah Diakkawn leh Bungkawn an inhmachhawn dawn. Bungkawn hian point khat chauh an la nei a, an match vawi hnihna tur chauh a ni bawk - semifinal khel phak turin chak a pawimawh ang.